برج حمل: آج آپکو اپنے فرائض کی ادائیگی میں دشواری پیش آ سکتی ہے جبکہ گفت و شنید کی صلاحیت بہتر نہ ہونے سے آپ کواپنی کاروباری ذمہ داریوں کی تکمیل میں خفیہ رکاوٹوں کا سامناکرنا پڑ سکتا ہے۔جس سے آپ کی کارکردگی متاثر ہو سکتی ہے۔اپنے شریک کار یا ساتھیوں سے الجھنے سے بچیں۔لیکن اس کا یہ مطلب نہیں ہے کہ آپ اپنی من مانی شروع کر دیں۔ اس سے صرف وقت کا ضیاع ہوگا اور صحت کے مسائل بھی پیدا ہو سکتے ہیں۔آج آپ کا وجدان مناسب اور بہتر انداز میں کام نہیں کر رہا ہوگااس لئے آپ کو اپنے دوستوں سے مشاورت کر کے ہی حتمی فیصلہ کرنا چاہئے۔اپنی شریک حیات کے ساتھ جاری تلخی کو ختم کرنے کیلئے بزرگوں کی ہدایات پر عمل کرنے کی کوشش کریں۔
برج ثور: آج آپ کچھ زیادہ بہتر موڈ میں نہ ہوں گے جس کی وجہ سے بہت سے ایسے مسائل سامنے آ ئیں گے کہ جن کا حل تلاش کرنا ضروری ہوگا اور یہ مسائل آپ کے گھر سے شروع ہو کر آپ کے کاروباری معاملات تک پہنچ سکتے ہیں۔ آپ کو اپنے شریک کار کے ساتھ تلخی یا توتکار نہیں کرنی چاہئے بلکہ اپنے جذبات پر قابو پا کر اپنی غلط فہمی کو دور کرنا چاہئے ۔آج آپ کے منتخب کردہ منصوبے زیادہ بہتر ہونے کے باوجود بہت سے افراد کو پسند نہ آئیں گے۔آپ کو ان حالات میں زبردستی نہیں کرنی چاہئے۔ دوسروں کے بارے میں تنقیدی رائے کا اظہار کرنے میں محتاط رہیں اورمعمول سے ہٹ کر اپنی شریک حیات کے ساتھ لچک دار رویہ اختیار کرنا ہی آپ کیلئے بہتر ہو گا۔
برج جوزا: آج کسی کاروباری ناکامی کی وجہ سے آپ کو موڈ خراب ہو سکتا ہے لیکن مایوس نہ ہوں کیونکہ کل نیا دن اور نئے مواقع آپکے سامنے ہوں گے۔اپنی بات چیت کی صلاحیت کو بہتر بنانے کے علاوہ مالی قیاس آرائیوں سے گریز کریں۔آج آپ کے کام کافی تاخیر کا شکار ہو سکتے ہیں جس کا الزام آپ پر لگایا جا سکتا ہے۔آپکی عملی سرگرمیاں سست پڑنے کی وجہ سے آپ کے گھر والے پریشان ہو سکتے ہیں۔آپ کو اپنے اردگرد موجود افراد کی شکایات اور مسائل کو سن کر ان کا حل تلاش کرنے کی کوشش کرنی ہوگی آج کے دن اپنی سرگرمیوں کو آگے بڑھانے کی کوشش کرنی ہو گی کیونکہ اسی میں آپ کا فائدہ ہے۔کسی جگہ رشتے کی بات چل سکتی ہے اگر پہلے بات ہو چکی ہے تو شادی ہو سکتی ہے۔
برج سرطان: آج دن کے آغاز میں ہی کسی قریبی فرد کی جانب سے کسی نئے کاروبار میں شراکت داری کی پیشکش ہو سکتی ہے۔آپ کو اسے قبول کرلینا چاہئے، چاہے اس میں نظر آنے والے فوائد کم ہی کیوں نہ ہوں لیکن بہتر ہوگا کہ اپنے پیاروں سے مشاورت کرکے ہی کوئی بھی حتمی فیصلہ کریں۔آپ کو اپنی کارکردگی بہتر بنانی ہو گی لیکن اپنے کاموں میں جلد بازی سے کام نہ لیں اور نہ ہی کسی مالی لین دین میں ملوث ہو کر اپنی پریشانیوں میں اضافہ کریں۔آج اپنے جذباتی معاملات کو ترجیحاً حل کرنے کی کوشش کرنی چاہئے تاکہ یہ آپ کیلئے بوجھ نہ بن جائے۔بہت سے معاملات میں آپ کو کسی سینئر فرد کے مشوروں کی ضرورت پیش آ سکتی ہے۔اس لئے جھجک سے کام نہ لیں۔
برج اسد: آج آپ کی عملی صلاحیتیں مناسب انداز میں متحرک نہ ہونے کی وجہ سے آپ ذہنی الجھاؤ کا شکار ہو سکتے ہیں جس کی وجہ سے اپنے قریبی ساتھیوں یا شریک کار کے ساتھ تلخ کلامی بھی کر سکتے ہیں۔ جس کی وجہ سے آپ میں اضطرابی کیفیات پیدا ہونے سے آپ کی قوتِ برداشت بھی کم ہو سکتی ہے۔ایسے میں آپ کیلئے کسی بھی نئی سرگرمی کو شروع کرنا مشکل ہوگا۔آپ کو آج کسی نئے معاہدے پر دستخط نہیں کرنے چاہئیں اور نہ ہی اہم فیصلوں کا عملی نفاذکرنے کی کوشش کریں۔ آج مالی معاملات پر مشاورت کے دوران اپنی شریک حیات سے تلخی ہو سکتی ہے۔شام میں اپنے دوست احباب سے ملاقات کرنے سے اپنا موڈ بحال کر پائیں گے۔
برج سنبلہ: آج آپ کو اپنے وعدوں کی پاسداری ہر حال میں کرنی ہو گی۔اسکے علاوہ اپنے معمولات میں سے وقت نکال کر آرام کریں۔آپ کو اپنے خیالات کا اظہار کرنے میں احتیاط کرنی چاہئے ۔ آپ کے لئے کسی قسم کی مالی قیاس آرائیوں کو پیش نظر رکھنا اپنے ساتھ ظلم کرنے کے مترادف ہوگا ۔آج کچھ عجیب و غریب سی صورتحال آپ کے سامنے ہو گی کہ ایک طرف آپ اپنی کاروباری سرگرمیوں کو شروع کرنے کے لئے متحرک ہوں گے اور دوسری طرف اپنے اہم اہداف کے حصول میں بھی بہت مصروف ہو ں گے لیکن ان سب معاملات میں فوری طور پر شاید آپ کو کوئی فائدہ نظر نہ آئے مگرچند دنوں بعد یہ سب کچھ آپ کو اچھا خاصا فائدہ پہنچا سکے گا۔
برج میزان: آج آپ کو اپنی روزانہ کی سرگرمیوں کے بارے میں فکر مند نہیں ہونا چاہئے بلکہ اپنے سارے غم بھلاکر کامیابیوں کے حصول میں اپنے آپ کو وقف کرنا ہوگا۔آج آپ اپنی سربلندی اور پیشہ وارانہ ترقی کی کوششوں میں مزید تیزی لانے میں کامیابی حاصل کر سکیں گے لیکن یاد رکھیں کہ اس کام کے لئے آپ کا منتخب کردہ وقت مناسب نہیں ہے۔ اس لئے مکمل توجہ اور ہمت سے کام لے کر اپنے آپ کو مستقبل کے منصوبوں کے ساتھ نہ صرف ہم آہنگ بلکہ متحرک کرنے کی کوشش بھی ضرورکریں تاکہ کوئی کمی باقی نہ رہ جائے۔لیکن اس سارے عمل کے دوران آپ کے قریبی ساتھی خاص کر آپ کی شریک حیات آپ کے عدم تعاون کا شکوہ کر سکتی ہے۔
برج عقرب: آج آپکے جذباتی دباؤ کی وجہ سے آپ کے انجام دیئے گئے امور میں کوئی نہ کوئی خامی باقی رہ سکتی ہے۔جسے دور کرنے کیلئے اپنے ساتھیوں کی مدد حاصل کرنےکی کوشش کریں ۔ورنہ آپ میں بے چینی اور اضطراب بھی پیدا ہوسکتا ہے ۔ جس سے نہ تو ارد گرد کا ماحول اچھا لگے گا اور نہ ہی آپکے کاموں میں رکاوٹیں ختم ہوں گی۔اپنے فرئض کی ادائیگی میں اپنے ساتھیوں کے تعاون کی وجہ سے باآسانی اپنے ا ہداف بھی حاصل کر سکیں گے۔ اپنے دوستوں سے میل ملاقات کر کے اپنے آپ کو جذباتیت کی شدت سے بچائیں یا تلملاہٹ کا شکار ہو کر تنہائی کا عذاب بھگتنے کیلئے تیار ہو جائیں۔اپنے اندر شکوک و شبہات اور قیاس آرائیاں پیدا کرنے سے گریز کریں ۔
برج قوس: آج آپ کو اپنی غیر حقیقی اور غیر متعلقہ سوچوں پر قابو پانا ہوگا اس کے بعد ہی موجودہ حالات کو مکمل توجہ اور گہرائی سے سمجھ سکیں گے۔اس کے علاوہ اپنی توجہ کو قائم ر کھنے کے لئے اپنے منصوبوں کوالگ الگ رکھنا ہوگا جبکہ ایک ساتھ کئی منصوبے شروع کرنے سے بھی گریز کرنا ہوگا ورنہ مالی پریشانی کی وجہ سے ناکامی کے خدشات حقیقت بھی بن سکتے ہیں۔اور کئی نقصانات کے علاوہ سب سے بڑا نقصان یہ ہوگا کہ کوئی بھی کام مکمل نہیں ہو گا۔آج ستاروں کے اثرات کی وجہ سے چونکہ آپ کی عملی صلاحیتیں خاطر خواہ متحرک نہ ہو سکیں گی۔جس کی وجہ سے کسی قسم کی سرمایہ کاری کرنے یا کاروبار ی مفادات کے حصول کیلئے آج کا دن مناسب نہیں ہوگا۔
برج جدی : آج اگر آپ نے کسی نئے کاروبار کا منصوبہ بنا رکھا ہے تو اسے شروع کرنے سے پہلے حقیقت پسندانہ سوچوں کو اپنانے کی کوشش کریں کیونکہ غیر حقیقی سوچوں اور جذباتیت کے ساتھ شروع کئے گئے منصوبے کامیاب نہ ہوسکیں گے۔ ایسے میں آپکو اپنی جذباتیت پر قابو رکھنا ہوگا کیونکہ آپ کے اردگرد موجود افراد آپ کی مدد کرنے کیلئے تیار ہیں جبکہ آپ کی شریک حیات بھی عملی طور پر آپ کے ساتھ ہو گی۔ اپنے تجربہ کار دوستوں کے پر خلوص تعاون پر یقین رکھنا بہتر ہوگا۔اپنے بارے میں زیادہ جاننے کے باوجود دوسروں کی زبانی کچھ نہ کچھ سن کر پر سکون ہوسکیں گے جبکہ آپ کو اپنے دوستوں سے میل ملاقات کا پروگرام بنانا چاہئے تاکہ دل کا بوجھ کم ہو سکے۔
برج دلو : آج آپ کو اپنے ذہنی الجھاؤ اور بے یقینی پر قابو پانے کے لئے کافی محنت سے کام لینا ہوگا ورنہ آپ کی غیر حقیقی سوچیں آپ کی کارکردگی کو متاثر کرنے کے علاوہ آپ کے پرخلوص رشتوں پر بھی اثر انداز ہو سکتی ہیں۔اگر یہی کیفیات حاوی رہیں تو اپنے دوستوں کی ناراضگی کا سامنا بھی کرنا پڑے گا۔اس کے بہتر حل کے لئے اپنے آپ کو متحرک کریں اور اپنے اہم امور پر توجہ دینے کی کوشش کریں جبکہ دوسروں سے بحث و مباحثہ نہ کریں۔ اپنی صحت کا خیال رکھیں اور دوسروں کو اپنے معاملات میں دخل اندازی نہ کرنے دیں۔شام میں اپنے حالات کو پرسکون بنانے کے لئے اپنے دوستوں کے ساتھ سیرو تفریح کا پروگرام بنا نے کی کوشش کریں۔
برج حوت: آج آپ کونیا کاروبار شروع کرنے کا موقع مل سکتا ہے لیکن اپنی جذباتیت اور بے صبرے پن کی وجہ سے آپ اپنا قیمتی وقت ضائع کر سکتے ہیں جس کی وجہ سے اپنے ساتھی افراد کے ساتھ توتکار بھی ہو سکتی ہے۔اپنے آپ کو نوجوان افراد کے قریب رکھ کر ہی متحرک بنانے میں کامیاب ہو سکیں گے۔اگر آپ کو اچانک کسی جذباتی مسئلے کا سامنا کرنا پڑے تو آپ کا موڈ خراب ہو سکتا ہے۔اپنے آپ کو خراب صورتحال سے بچانے کیلئے موجودہ حالات کا انتہائی گہرائی اور حقیقت پسندی سے جائزہ لیں جبکہ اپنے مخلص دوستوں کی مدد بھی حاصل کریں۔ غیر ارادی طور پر منہ سے کوئی بھی بات نکلنے نہ دیں ورنہ آپ کو شرمندگی ہو سکتی ہے۔
